torsdag 12. september 2013

Orly - Rose Pixel



Orly Rose Pixel
Jepp, eg er heilt på teksturlakk-bølga framleis, håper ikkje de er lei enno. I dag har eg Orly Rose Pixel, som er ein rosa-tona lys beige teksturlakk. Lakken består av ein slags metallisk(?) base med skimmerpartikler og litt større glitter - alt i same sølv-rosa-beige farge. Fargen er litt lysare enn huda mi, og eg synast han ser veldig delikat og elegant ut på neglane, samtidig som han glitrar som berre det. Eg har skjønt at andre synast Rose Pixel er kjedeleg, men eg elsker slike nøytrale lakkar med "noko attåt". Denne har blitt ein ny favoritt. Er han ikke lekker?

Lakken dekker fint med berre eit lag, sjølv om ein sikkert kan bruke to for bileta si skuld. Eg har eitt lag Rose Pixel på bileta, openbert utan overlakk. Han tørker saaaaakte, så det er lurt å ha god tid når du lakkar - eg måtte lakke om to av neglane etter å skulle ta på meg sko over ein halvtime etter at eg lakka neglane. Elles så må eg berre kommentere kor utruleg stygg flaska er, blå gummikork - virkeleg?!?

Orly Rose Pixel, a pink toned silvery beige textured varnish. This is exactly my cup of tea, neutral with a twist - and a one-coater. Unfortunately, it does dry very slowly.

tirsdag 10. september 2013

P2 - Confidential (#050)

Eg har vært frykteleg treig med å vise fram teksturlakkane eg kjøpte i sommer, men smått om senn prøver eg å vise dei her på bloggen. Det er som sagt berre å seie ifrå dersom det er konkrete lakker de vil sjå. Dessverre(?) kjem det stadig nye lakkar inn i samlinga, så eg blir nok aldri (heldigvis?) ferdig.




P2 Confidential, i dagslys
P2 Confidential (#050) er ein kongeblå teksturlakk med mangefarga skimmer; eg ser raudt/rosa, oransje, gull, blått, grønt(?) og sikkert meir. Eller kanskje det er skimmeret som er multikromt? Det er ikkje lett å seie. Fantastisk effekt på neglane, i alle fall. Eg har forsøkt å vise det på bileta, nokre i dagslys, nokre i kunstig lys, men eg klarer (som vanleg) ikkje å fange det fantastiske fargespelet i lakken.

Her har eg eitt lag P2 Confidential over eitt lag China Glaze First mate. Eg har prøvd lakken utan underkle, men han dekker så godt at eg ikkje ser nokon fargeskilnad med to lag av P2-lakken eller CG + P2. Strengt tatt bruker eg nestan alltid ein annan lakk under teksturlakkane, då synast eg dei blir mykje lettare å fjerne, i tilleg til at eg sparer på dei verdifulle dråpene. Ein nøytral blå får eg alltids tak i, men teksturlakkane går sikkert av mote snart, og då er det greit å ha litt igjen.

Som sikkert mange har fått med seg, er Confidential 100% lik OPI Alcatraz...rocks frå OPIs haustkolleksjon, sjå til dømes Spector's nails samanlikning. Eg trur ikkje det er så lett å få tak i P2-lakken lenger, men du likevl vil ha han, kan du strekke deg etter OPI-lakken. Han har allerede kommi i norske butikkar (Kicks), og hos Nailsupplies og andre nettbutikkar.

P2 Confidential (#050) is a wonderful navy blue textured varnish with a lot of multicoloured (multicrome?) shimmer. I wore it over one coat of China Glaze First mate, as I feel that layering it eases the removal without tempering with the colour (as Confidential is opaque enough). As you have probably seen, e.g. in Spector's nails comparison, this is an exact dupe for OPI Alcatraz...rocks. Nice, huh? 


P2 Confidential, i kunstig lys

lørdag 31. august 2013

China Glaze - Infra-red



China Glaze - Infra-red
Endeleg tid for holografiske lakkar igjen! Denne veka har det vært nydeleg vêr her i Bergen (alt er relativt), og eg har faktisk plukka fram nokre hololakkar igjen som eg trudde eg ikkje skulle få brukt att før neste sommar. Men først har eg nokre litt eldre bilete frå China Glaze HoloGlam-kolleksjonen som kom i vår.

China Glaze Infra-red er ein lineær, holografisk lakk som merkelig nok ikkje er raud, men magentarosa. Dessverre er ikkje den holografiske effekta like tydeleg som på det andre HoloGlam-lakkane eg har vist fram, Strap on your moonboots og Galactic Grey. Fin er han likevel, sjølv om han dessverre ikkje får blodet mitt til å koke. Eg liker veldig godt påføringa og finishen på HoloGlam-lakkane, og det hadde vært fantastisk om China Glaze kom med ein raud lakk i same stil.

For å få fargen til å bli nokonlunde korrekt, måtte eg trikse litt i redigeringsprogrammet, derfor ser fargen på fingra mine litt pussig ut. Men lakkfargen er i det minste ganske riktig.

tirsdag 27. august 2013

China Glaze - First mate



China Glaze - First mate
Eg har kanskje vist fram First mate tidlegare, men no har eg eit par nyare, litt betre (?) bilete eg tok her om dagen. China Glaze First mate er ein mellomblå kremlakk frå eit par år tilbake. Lakken er svært god å legge, og dekkar glimrande med eitt lag, i alle fall om du er litt  raus med lakken. Fargen heller meir mot grønt enn dei blåfargane eg vanlegvis føretrekker (som Depend 324, som er meir raudtona), men han fungerar veldig godt som underlakk for andre lakkar. Dette er kanskje ikkje den mest spennande lakken eg eig, men det er greit med nokre litt trauste basisfarger også, ikkje sant?

Eg har samanlikna han med H&M-lakken Something blue, og dei er praktisk talt identiske, men eg føretrekker First mate fordi han er betre å lakke med. Eg gløymte sjølvsagt å ta bilete av dei to saman, men skrik ut om eg skal gjera det om att. Han er også svært lik Keeping Suzi at bay frå OPIs San Fransisco-kolleksjon, om ein skal tru Polish Infatuated sine bilete. Eg eig ikkje OPI-lakken, så eg kan ikkje samanlikne dei sjølv.

søndag 25. august 2013

Kiko - True red #632


Kiko - True red
Kiko True Red (#632) har vært ein favoritt av Sugar Mat-lakkane gjennom sommaren etter at eg plukka han med meg frå Tyskland for berre 2,5 €. Eg har sikkert brukt han tre-fire gonger dei siste vekene, og det er jo tilnærma rekord.

True Red er, ikkje overraskande, ein knallraud teksturlakk. Raudfargen er veldig klar og sommarleg, og han heller meir mot varm jordbærraud enn blodraud, som eg ofte føretrekker. Men no når eg er brun, passar den varme raudtona veldig godt til huda mi. Det øverste bilete er nok mest korrekt med tanke på fargegjengjevnad.

I motsetnad til mange av dei andre teksturlakkane eg eig, har ikkje True Red skimmer. Han virker som ein vanleg kremlakk med små "knottar" som dannar seg på yta etter påføring. Sjølv om han dekker fint med eit litt tjukt lag, så blir han penare med to - då kjem den ruglete yta betre fram. Kva synast du om lakken? Føretrekker du vanlege teksturlakkar med skimmer, eller kremteksturlakkar som denne?.

onsdag 21. august 2013

China Glaze - Skyscraper

Her er nokre bilete eg tok for ei stund sia, dei har liggi i arkivet sia før sommaren, men eg synast lakken er så fin at eg må vise han fram uansett. Eg jobbar (som vanleg) altfor mykje, og det er ikkje mykje tid til å lakkere neglane mellom eg kjem heim frå jobb kl. 21 og til eg drar kl. 06. Uff... Men no i helga skal det bli andre boller, og eg har fleire nye lakkar på lur eg vil vise dykk då. Men først:

China Glaze Skyscraper er ein djup kongeblå glitterlakk fullpakka med glitter i sølv og mørke- og lyseblått i ein mørkeblå basefarge. På neglane ser han alldeles gnistrande ut. Dessverre lot ikkje det seg overføre direkte til bileta mine, men det kan jo tenke dykk kor fin han eigentleg er. Sminkan har fine bilete av han (dog med meir overlakk og jamnare yte) om de vil sjå fleire bilete, og det same har naturlegvis også Google.


China Glaze - Skyscraper

 Lakken glitrar og gnistrar i sola, det synast best på eit uklart bilete.  

På meg dekker Skyscraper med to lag, men då må dei vera litt tjukke. Ein kan også bruke ein mørkeblå kremlakk som underlag, slik eg har gjort på lillefingeren (som eg måtte lakke om att). Lakken tørkar ikkje særleg kjapt, i alle fall ikkje utan hurtigtørkande overlakk. Men eg fekk ikkje misfarga negler av han, det er då noko.

tirsdag 13. august 2013

P2 - Seductive #030

Sugar Mat-lakkane til Kiko er flotte, men det er Sand style-lakkane til det tyske merket P2 som har vunni hjartet mitt i år. Dette er absolutt dei flottaste teksturlakkane eg har prøvd, og her er juvelen i kolleksjonen:


P2 - Seductive  
P2 Seductive (#030) er ein plommelilla teksturlakk med gullglitter, samt litt lilla og blått(?) glitter. Fargen er perfekt, etter mi meining - både klassisk og spannande på ein gong. Lakken er så utruleg flott, eg har stirra på neglane mine i fleire dager. Han er lett å legge, og dekker perfekt med to lag. Han misfarger heller ikkje neglen i det heile, og er svært lett å fjerne. Nyt bileta!

P2 Seductive (#030) is a plum coloured textured varnish, with a lot of golden glitter, as well as some purple and blue(?). This is, in my opinion, close to being the ultimate varnish. I LOVE it!

Med blitz: Sjå så fint det glitrar i gull!

onsdag 7. august 2013

Blog your heart out!

Gelic var så snill å gje meg ein "Blog your heart out"-nominasjon, sjølv om eg ikkje eingong har tatt meg tid til å svare på Sunshine award'en eg fekk av ho før sommaren. Men no skal eg forsøke å gjera meg fortent til dei begge to, sjølv om eg tidvis er ein svært dårleg bloggar. Resten av innlegget er på engelsk, det er enklast sånn:

Blog Your Heart Out Award Nomination!
Sweet Gelic nominated me to this "award", thank you so much! The rules for this nomination are: Answer 5 given questions and nominate 5 other blogger with less than 100 followers. The nominees should also be told that they are nominated. So here we go.

1. What/who encouraged you to start blogging? I started blogging about politics a few years ago, but this is my private blog, which I have only had for about a year. I have always been fond of nail varnish, and started blogging to make myself an archive of all my varnishes. I have more than tripled my collection since then.

2. How did you chose what topic(s) to blog about? I started blogging because of nail varnish, not the other way around. Polishing has always been a hobby to me, and I wanted to share the joy I have with others. Also, blogging urges me to stay updated on the "varnish fashion", and I get to know a lot of other women interested in the same thing as I am, without feeling stupid or vain.

3. What is something that most people don't know about you? A lot, especially my readers... I am not particularly personal on my blog, I think. For instance, I love to swim in the ocean, even in the winter, and have been bathing in the ocean all twelve months of the year!

4. What three words describe your style?  When it comes to nail varnish: Elegant, simple and boring(?).

5. What do you like to do when you are not blogging? I love my job, and probably work too much - but that usually do not bother me. I also love to ride a bike (racer) or listen to music (while polishing my nails, of course).

At last, I would like to nominate five blogs I read (although I am not sure how many followers they have):
Michelle in Wonderland
Venus' vanity
Upclose & Polished
Sminkeparadiset
LoveNail

mandag 5. august 2013

Kiko - Sea Blue #644

I dag har eg ein av vei nye Kiko-lakkane, og han er så vakker! Kiko er eit italiensk(?) merke som sel billig sminke og neglelakk, og spesielt neglelakk-kolleksjonane deira er fantastiske. Det var synd at eg ikkje tok bilete av butikkane eg var i, for dei hadde så utruleg flotte neglelakkhyller.




Kiko Sea Blue (#644) er ein mellomblå teksturlakk med kornblå og koboltblå skimmerpartiklar. Som de ser er skimmerpartiklane like store, noko som gjev lakken ei jamn og "glatt" yte, nett som sandpapir. Eg klarer ikkje slutte å stryke meg over neglane. Lakken er opak, og ein treng berre to lag for å få han til å dekke ordentleg - og berre eit lag om ein legg litt tjukt på. Som dei fleste andre teksturlakkar tørker han litt sakte, men det er kanskje berre eg som er bortskjemt med hutigtørkande overlakk?

PS: Har de sett kor mykje betre bileta mine har blitt etter at eg fekk meg nytt kamera? Tusen takk til gemalen for finfin bursdagspresang.

Kiko Sea Blue (#644) is a medium blue, textured varnish. Pretty, right?

lørdag 3. august 2013

Essence - Grey-t to be here


Essence - Grey-t to be here
Sjå kor fint det duokrome skimmeret er!


I dag (eigentleg i går) har eg på ein av dei nye lakkane eg kjøpte i Tyskland, nemleg Essence Grey-t to be here. Grey-t to be here er ein lys grå lakk med duokromt skimmer i magenta/oransje. Det duokrome skimmeret, som nesten er litt flak-aktig (glass flecks) er synleg i alt slags lys, men spesielt i kunstig lys. Dessverre synast det ikkje så godt på bileta mine. Skimmeret gjer at lakken, som eigentleg er litt traust i fargen, ser veldig stilig ut. Ofte ser ein kun den grå lakken med eit svakt rosaskjær, nett som perlemor. Fint? Definitivt! Han minner på mange måter om Depend #312 som har grønt skimmer, og om du liker den er Grey-t to be here noko for deg også.

Grey-t to be here er lett å legge, og han dekker godt på to lag. Kosten er like enormt stor som tidlegare nemnt (sjå til dømes her), men det går jo om ein er forsiktig.

Essence Grey-t to be here is a light grey varnish with duocrome magenta/orange glass flecks. The flecks gives the otherwise "boring" colour a cool twist. 

mandag 29. juli 2013

Blåmandag: China Glaze - Strap on your moonboots

China Glaze - Strap on your moonboots (på neglane, opnbert)
Her er den første lakken eg vil vise fram etter dvalen min. Det er ikkje ein av lakkane eg kjøpte på turen (eg har vist neglepinne-bilete av han tidlegare her), men eg hadde han på neglane i ferien (før eg måtte klippe dei heilt korte, snufs!) og tok bilete av han då.

China Glaze Strap on your moonboots er ein mellomblå, holografisk lakk. Den holografiske effekta er veldig lineær, liksom Galactic grey frå same kolleksjon, som eg har vist i eit anna innlegg. Eg liker veldig godt at blåfargen mørknar utover kantane på neglen, det gjer lakken djupare (og finare) etter mi meining, men fargen i seg sjølv synast eg var ganske trøytt. Eg hadde håpt at han skulle vera litt meir kongeblå, men den gong ei. Kanskje eg skal forsøke meg med ein mørkare blå lakk under neste gong?

Lakken er i likskap med Galactic grey lett å legge, men han er litt rennande. På dei nederste bileta kan de sjå at han striper seg litt, og det synast dessverre på neglane - spesielt i skuggen/dagslys.

China Glaze Strap on your moonboots is a medium blue holographic varnish. The holo effect is strongly linear, yet subtle, just like the other HoloGlams. I like that it darkens on the edges, but other than that - meh...



søndag 28. juli 2013

Storhandel frå Tyskland

Eg har nett kommi heim frå ein nesten fire-vekers ferie i Tyskland, og med meg i bagasjen har eg massevis av lakker, både til meg og til venninner av meg. Dessverre har eg ikkje hatt høve til å blogge i ferien, for det har vært dårleg med internett, lakkering og ikkje minst tid til redigering av bilete og skriving av innlegg. Men med mange nye lakker er sjølvsagt blogglysta på topp etter ferien, så de kan berre glede dykk framover. Og som alltid, dersom det er nokre lakkar de vil sjå aller først, er det berre å rope ut i kommentarfeltet.  

Varnish haul! I just came home after a four week holiday in Germany, and look what I brought home with me. Anyone in particular you want to see on the blog?



mandag 24. juni 2013

Misa - Heaven White og Maybelline - Chalk dust

Her kjem nok ein svart/kvitt-manikyr - denne er eg (også) veldig nøgd med. Eg har openbert ikkje så høge krav, men det viktigaste er jo at ein er nøgd sjølv, ikkje at neglebanda er perfekte.


Misa Heaven White og Maybelline Chalk dust

På neglane har eg Misa Heaven White, med den nye Maybelline Chalk dust innst ved neglerota, og eit lag SV over. Misa Heaven White er ein kvit kremlakk som eg har fått anbefalt av fleire, men eg er ikkje spesielt begeistra. Han striper seg, så ein treng i alle fall to lag for at det skal sjå greit ut. I tillegg er han tjukk og vanskeleg å legge, pluss at kosten er grusomt bustete. Heaven White er altså ikkje ein favoritt her i garden, og eg held fram jakta på den perfekte kvite kremlakken. Om du har tips, tar eg imot med glede.

Sjå det fine glitteret!

Maybelline Chalk dust er ein glitterlakk frå Maybellines Polka Dots-kolleksjon. Lakken består av svarte og kvite glitterpartiklar i ein blank base. Glitteret er ganske smått, ca. 0,5mm - 3 mm, og stort sett heksagonalt, så han er veldig lett å legge. Kven skulle trudd at Maybelline kom med noko så bra? Chalk dust kjem til å bli mykje brukt framover, det er eg sikker på. Dessutan kostar han berre 50 kr for 9 ml, det er ganske bra med tanke på dei vanlege neglelakkprisane i norske butikkar. 

More black&white manicures for you:
Here I have two coats of the not-so-awesome-but-sure-streaky Misa Heaven White, with Maybelline Chalk dust dabbed on top. Super easy manicure, and the Maybelline varnish surely is a treasure. That one will be used a lot this summer. 

fredag 21. juni 2013

Darling Diva - Shadow puppets

Hei igjen! Takk til alle saman som har stukki innom bloggen i dei siste vekene medan eg har hatt bloggpause. Pausen har dog vært strengt ufrivillig - det har vært heilt texas på jobb og eg har knapt nok hatt tid til å lakke neglane, langt mindre å ta bilete og lage blogginnlegg. Faktisk har eg gått fire(!) dagar utan neglelakk dei siste tre vekene. Det må vera årevis sia sist noko slik har skjedd.

Men nok prat, det er vel neglelakk de er interessert i. I dag har eg ein lekker indielakk å vise dykk: Shadow puppets frå Darling Diva. Det er ein kvit lakk med små og store mangeforma svarte glitterpartiklar: runde, firkanta, heksagonale, stjerner ++. Eg har virkeleg hatt dilla på svart/kvitt i det siste, og Shadow puppets er rett og slett perfekt. Elegant, men likevel morsom. Eg har allerede kjøpt to å ha i bakhand.


Darling Diva Shadow puppets, i sola
Påføringa var god - mykje betre enn ein kan vente frå slike glitterlakkar. Eg dabba på eit lag av Shadow puppets over eit lag Misa Heaven White for å slippe å få altfor mykje glitter på neglen, eg synast det er finast sånn. Men han dekker på to lag aleine, dersom ein vil ha meir djupne i lakken.

PS: Tusen, tusen takk til snille, flinke Gelic' frå Gelic nail art, som gav meg ein Sunshine award. Eg vil svare så snart som råd. Følg bloggen hennar, ho er kjempedyktig på negledekor og har utruleg mykje flott inspirasjon til oss negledekor-amøber.

Hi, and welcome back here after my hiatus. Today I want to show you an amazing indie varnish: Darling Diva Shadow puppets. The black and white combination is so elegant, yet the many-shaped glitter makes it fun after all. LOVE it!

fredag 31. mai 2013

Holofredag: Depend - Plum


Depend Plum, i sola
Depend - #2030 Plum er frå fjorårets holo-kolleksjon, som var ein fantastisk kolleksjon. Det er ikkje så ofte butikkmerke kjem med holografiske lakker, men desse var altså tilgjengelege i norske SparKjøp-butikkar (sic!). Dei kosta 50 kr stykke, og eg veit at det framleis finnast nokre butikkar som har dei inne - løp og kjøp. Eg har allerede hamstra eit par av favorittane.

Depend Plum er ein kald rosalilla, holografisk lakk med fine, ganske lineære regnboger (den holografiske effekta er meir lineær i røynda enn på bileta mine, sjå bilete under). Fargen er definitivt mest rosa, eg lurer på kva dei tenkte på med Plum-namnet... Lakken dekker dessverre ikkje spesielt godt, så om du vil ha han dekkande utan å bruke opp heile den lille flaska, tilrår eg å legge han over ein annan lakk. Eg var ute etter ein litt gjennomskinneleg effekt, så for meg holdt det med to lag. Då er dog neglelinja synleg, for dei som bryr seg om sånt. Eg synast det er sommarleg og fint med sheer'e lakkar, men kvar sin smak.

Bonusbilete: Eit gammalt blitz-bilete eg fann av han, med eitt lag Plum over ein eller annan rosa lakk. Det var finare sånn, kanskje?



Depend Plum, a blue-toned pink holografic varnish from Depend's holo collection from last year. It is a bit sheer, but I do like the effect on my nails, even though (or because of?) the visible nail line. Pretty in pink!


tirsdag 28. mai 2013

China Glaze - Galactic Grey

Her er den første av HoloGlam-lakkane frå China Glaze eg skal vise dykk. Eg kjøpte altså fire av desse lakkane for ikkje lenge sia, og viste dei kort fram her. No har eg prøvd ein (faktisk to, men eg har ikkje innlegget klart enno) av dei, og er svært nøgd hittil.



China Glaze Galactic Grey, i sola

China Glaze Galactic Grey, i skuggen

China Glaze Galactic Grey er ein mørk grå, ekstremt lineær holografisk lakk. Den lineære effekta er den tydlegaste av alle holo-lakkane mine, men det gjer også at regnbogen ikkje er like sterk og gnistrande som på til dømes Layla-lakkane. Likefullt er Galactic Grey utruleg vakker. I sola skin regnbogene, medan han i skuggen og normalt innelys ser ut som ein vanleg grå skimmerlakk. Ein skjult skatt, altså - som best nytast på solrike sommardager.

Lakken var lett å legge, både med og utan AquaFix. Med AquaFix (eller liknande) kjem ein dog unna med eit litt tjukt lag, medan over vanleg underlakk må ein kanskje ha to for å skjule eventuelle skjolder. Han er litt tyntflytande, men det er ikkje noko problem (dersom ein ser bort frå dei slurvete neglebanda mine).

Fargen liknar veldig på Layla Flash Black, men dei er absolutt ikkje duplikater på grunn av skilnaden i den holografiske effekta. Galactic Grey er også ein ørliten bit varmare i fargen enn Flash Black. Ein treng begge to!


China Glaze Galactic Grey, a mid grey varnish with an extremely linear holographic effect. I love it, although the holographic effect is subtle compared to other holos. So sleek.

fredag 24. mai 2013

Holofredag - China Glaze HoloGlam

Eg hadde eigentleg ikkje tenkt til å vera med på holofredag i dag, men då desse skjønheitene dukka opp i postkassa mi i ettermiddag, hadde eg ikkje råd til å la vera. Eg rakk ikkje å lakke om, for eg er på veg ut døra på grillfest, men her er i alle fall små swatcher av dei fire HoloGlam-lakkane eg har kjøpt. Pene, ikkje sant?



Frå venstre: When stars collide, Infra-red, Galactic Grey og Strap on your moonboots. Kven liker de best? Eg har i alle fall falt fullstendig for When stars collide, så i morgon blir det aubergine-farga hololakk!

New holos in the mail today, from the China Glaze HoloGlam-collection. From left to right: When stars collide, Infra-red, Galactic Grey and Strap on your moonboots. Any favorites? 

mandag 20. mai 2013

China Glaze - Fancy pants

Jobb, jobb, jobb, 17. mai, familieferie, pinse og fjelltur - og vips så hadde eg ikkje tid til å poste noko som helst på ei veke. Eg har faktisk knapt nok hatt tid til å lakkere neglane, og gjekk faktisk seks (!) dagar med OPI Barre my soul. Han flassa overraskande nok ikkje av i det heile, men eg blei rimeleg lei av dei same, "nakne" neglene så lenge. Så no er det andre boller i tida framover!


China Glaze Fancy Pants 

Eg fekk spørsmål om å vise Fancy Pants i dette innlegget, så her kjem han. China Glaze Fancy Pants er ein lys indigofarga (=raudtona blå) lakk (på engelsk: periwinkle) med masse rosa mikroskimmer. Skimmeret synast på neglene, men er dessverre nesten umogleg å sjå på bileta mine (beklager!), men det gjev lakken ei fin djupne, og understrekar det lilla i fargen. Ta ein titt på Vampy Varnish sine bilete, det ser du skimmeret betre.

Lakken er ganske tjukk, men  på grunn av det fine skimmeret blir han mykje lettare å legge enn vanlege kremlakkar. Dessverre misfargar han neglane, så no har eg oransje neglar i tida framover. Det blir mørke/sterke sommarlakkar på meg, altså - ikkje lyse, ikkje-opake pastellar. På bileta har eg to lag, med eit lag SV på toppen.

China Glaze Fancy Pants, a lovely periwinkle creme varnish with (almost invisible) pink micro shimmer. It is so pretty, but unfortunately, it stains alot. So no sheer varnishes for me this summer...