Viser innlegg med etiketten Lilla. Vis alle innlegg
Viser innlegg med etiketten Lilla. Vis alle innlegg

tirsdag 13. august 2013

P2 - Seductive #030

Sugar Mat-lakkane til Kiko er flotte, men det er Sand style-lakkane til det tyske merket P2 som har vunni hjartet mitt i år. Dette er absolutt dei flottaste teksturlakkane eg har prøvd, og her er juvelen i kolleksjonen:


P2 - Seductive  
P2 Seductive (#030) er ein plommelilla teksturlakk med gullglitter, samt litt lilla og blått(?) glitter. Fargen er perfekt, etter mi meining - både klassisk og spannande på ein gong. Lakken er så utruleg flott, eg har stirra på neglane mine i fleire dager. Han er lett å legge, og dekker perfekt med to lag. Han misfarger heller ikkje neglen i det heile, og er svært lett å fjerne. Nyt bileta!

P2 Seductive (#030) is a plum coloured textured varnish, with a lot of golden glitter, as well as some purple and blue(?). This is, in my opinion, close to being the ultimate varnish. I LOVE it!

Med blitz: Sjå så fint det glitrar i gull!

tirsdag 16. april 2013

NinjaPolish - Divinity

I dag skal eg vise dykk ein heilt fantastisk lakk! (Ja, eg veit eg seier "fantastisk" mykje, men denne lakken fortener det fullt ut.) NinjaPolish er ein nettbutikk for neglelakk som sel m.a. Layla, Hits, GlitterGal, Jade ++ og andre merke som ikkje er lett tilgjengelege i Norge. I tillegg har dei eit eige merke, NinjaPolish (duh!).


NinjaPolish Divinity
NinjaPolish Divinity er så utruleg kompleks, eg klarer nesten ikkje å forklare. Basefargen er lilla, fullpakka med multikromt skimmer i raudt/kobber/gull/grønt/turkis, sjølv om det er vanskeleg sjå det turkise på neglane. Eg trur aldri eg har sett noko liknande, Divinity er virkeleg heilt guddommeleg. Internett seier at lakken liknar på den legendariske Clarins 230, men den eig eg dessverre ikkje, så eg kan ikkje samanlikne dei.

På bileta har eg tre lag, og det dekka fint på ordentleg, men på bileta ser det litt tynt ut.  Det er sikkert greit å bruke eit lag blå/lilla lakk under i staden, for han er ganske lite opak. Eg måtte bruke masse forskjellig lys for å få fram fargene, og sjølv om det blei litt rotete, ser de i alle fall fargeskiftingane.  Sjekk for øvrig ut dei nydelege bileta til Pointless Café.

NinjaPolish Divinity is an awesome purple polish packed with multicrome red/copper/golden/green shimmer. Truly divine!

Burgunder
Kopper
Raudt og lilla
Grønt
(Det var vanskeleg å få vist det grøne på bilete, men her skjønner de kanskje kva eg meiner.)


lørdag 6. april 2013

Darling Diva - Space Beetle

Darling Diva Space Beetle over A England Camelot

Uff, no er det lenge sia eg har fått vist dykk noko nytt. Eg har vært på påskeferie, og etter at eg kom hjem har det vært jobbing, jobbing, jobbing, men no er det endeleg (heldigvis) helg. Dette innlegget skulle eg eigentleg fått lagt ut i går i anledning holofredag, men eg var så sliten etter jobb at det blei hololaurdag i staden.

Darling Diva Space Beetle er ein multikrom, holografisk lakk som er nesten umogleg å beskrive. Basefargen er lys grågrøn med skimmer som skiftar mellom grønt-gult-oransje-koppar-raudt-rosa. I tillegg er han holografisk, det synast best i sola eller i kunstig innelys. Kanskje ikkje overraskande er det veldig vanskeleg å ta gode bilete av han, og det er heilt umogeleg å få fanga alle fasettane. Men om ein tenker seg fargen på ein bille i sola, er det kanskje det nærmaste ein kjem?

Effekta er litt lik A England-lakkane som er både duokrome og holografiske (Dragon (grøn/bronse), Ascalon (grøn/lilla)), men der er det lakken, ikkje skimmeret som er duokrom, og den holografiske effekta er meir spredt.

Eg har brukt eitt lag Space Beetle over A England Camelot, og synast det blei veldig fint. Men eg skal prøve han over ein lys grå lakk seinare, det trur eg blir minst like lekkert.

Darling Diva Space Beetle, a light green multicrome and holographic polish.

I sola



I skuggen (grusomme bilete, men ein ser i alle fall fargeskiftningane.)



I sola
 

onsdag 13. mars 2013

Color Club - Alter Ego


Color Club - Alter ego
I dag har Color Club Alter Ego på neglane, ein lilla folielakk (foil) med gullskjær. Han er absolutt ikkje duokrom, heller lilla og gullfarga på ein gong. Eg føler meg utruleg glamorøs når eg har denne på neglane. Sjølv om det er mykje gull i han, så er han kald i fargen - noko eg set stor pris på. Fingrane mine ser ofte gustne ut når eg bruker varme eller gul-tona lakkar.

Alter ego er lett å legge, men treng to, helst tre, lag for å dekke ordentleg. Han tørkar litt ruglete på grunn av alt skimmeret, så ein treng overlakk. Dessutan tørkar han litt treigt, så eg anbefaler definitivt å bruke ein hurtigtørkande overlakk. Eg har, som vanleg, brukt Seche Vite på toppen.

Color Club Alter Ego, a cool-toned purple foil with golden shimmer. So glam! Even though it has some drying issues, this is an excellent varnish.

søndag 24. februar 2013

Layla - Ultra Violet


Layla Ultra Violet, med blitz

Uff, i sommar klemstra ein finger i ei dør, og no har "endeleg" neglen detti av. Med ein veldig kort negl synast eg ikkje det er pent å ha resten av neglane lange, så eg har måtte klippe neglane mine heilt ned. Så no blir det mykje lyse fargar framover, for eg synast ikkje det er så fint med mørka lakkar når fingertuppene er synleg utanfor neglen.

Her er i alle fall Layla Ultra Violet, ein lyslilla lineær holografisk lakk. Han er superholografisk, blant dei mest holografiske lakkane eg har - heilt fantastisk vakkert. Lakken legg seg fint over MUS Aquafix, men skjoldete over vanleg underlakk, så eg bruker alltid Aquafix under slike tettpakka holografiske lakkar. Ultra Violet dekker heilt med tre lag, men eg liker at han ikkje er heilt opak, så eg brukte berre to lag på bileta.

Dette er ein farge som eg var litt skeptisk til då eg kjøpte han, men eg er mykje meir komfortabel med fargen enn eg frykta. Faktisk kjem eg nok til å bruke han titt og ofte når sola no kjem tilbake utover våren.

Layla Ultra Violet, a linear holographic lilac varnish. It's easy to apply when using Aquabase, and I have used two coats on the pictures. A pretty varnish, even though the colour is a bit outside my comfort-zone.



Layla Ultra Violet, i innelys

torsdag 24. januar 2013

Color Club - Wild at heart

Color Club Wild at heart

For ei stund sia kjøpte eg Color Club Wild at heart. Det er ein lilla holografisk lakk, og eg var litt usikker på om eg trengte han, sia eg allerede hadde A England Lady of the lake. Men eg tok han med i bestillinga, og det har eg ikkje angra eit sekund på!

Color Club Wild at heart er altså ein lilla, holografisk lakk. Det er ganske mykje raudt i han, både i sjølve lakken og i regnboga (de skjøner kva eg meiner). Eg er til vanleg ikkje superbegeistra for lilla, men denne er virkeleg nydeleg. Holoeffekta er sterk, og han gjev ein tydeleg, lineær regnbogeeffekt på neglen, både i sol, dagslys og innandørs. <3 Han dekker perfekt på to lag. Eg brukte MakeUpStore AquaFix under, men eg trur han skal vera grei og legge òg utan spesiell holo-underlakk.



Uklart bilete, men sjå dei fiiiine regnbogene!

Eg lagde også ei lita samanlikning med A England Lady of the lake, men det er overhovud ikkje like. Lotl er kaldare i fargen, dusare og mørkare. Dessutan er holoeffekta mykje svakare og ikkje lineær. Ein treng definitivt begge, i alle fall Wild at heart.

F.v. Wild at heart, Lady of the lake, Wild at heart

Color Club Wild at heart, a beautiful red-toned purple, linear holographic varnish (puh!). A must have for holo loverslike me. I compared it with  A England Lady of the lake, but they did not look alike at all.

onsdag 16. januar 2013

OPI - Ink

OPI Ink, i lampelys
OPI Ink, med blitz

Sjå det skimmeret!
I dag har eg på ein gammal klassikar, OPI Ink. Det er ein djup indigo skimmerlakk med knallrosa (lilla?) mikroglitter. Eg er generelt ikkje veldig glad i rosa, og spesielt ikkje rosa glitter, men i Ink gjer det ikkje noko. Det rosa mikroglitteret får lakken til å se meir lilla ut, nestan duokrom, og gjer lakken varmare. Bilete i lampelys er det som er mest korrekt fargemessig, sjølv om det er litt uklart. I dagslys ser han blåare ut, slik som på blitzbilete. Eg klarte dessverre ikkje å fange glitteret ordentleg på mine bilete (ein ser det betre i flaska).

Lakken er god å legge, og sjølv om første laget legg seg ujamt og lite dekkande, blir han flott og opak med to rause lag. Dei som er litt meir nøye enn meg vil sikkert ha tre lag, dog... Yta blir ikkje heilt glatt, så ein treng nok minst eitt lag overlakk, men det er han verd. Sjølv om finishen er fullstendig forskjellig, minner fargen meg om OPI Tomorrow never dies, ein av mine favorittar.

Eg veit at det finnast ein matt (suede) versjon av denne som ser kjempelekker ut, sjå til dømes flinke Ida Malenes bilete av han. Men før eg skaffar meg Ink Suede, tenkte eg å sjå korleis den vanlege Ink'en ser ut med matt overlakk.

An old classic OPI, namely OPI Ink. It is a indigo shimmer with pink micro glitter, which gives the varnish a warmer, more purple glow. I am sorry that I was not able to catch the glitter properly on my pictures.

mandag 10. desember 2012

Essence - Chic reloaded

Essence Chic Reloaded

Chic Reloaded blei med meg heim frå Praha, og eg gleda meg stort til å prøve han etter å ha sett fine bilete av han mellom anna hos Nihrida.

Essence Chic Reloaded er ein mørk koksgrå (?) skimmerlakk med lilla og grøn duokrom effekt. Lakken ser nett ut som oljesøl på neglane, og det er dødsstilig! Eg er ikkje noko glad i turkis, men i i Chic Reloaded er grønfargen akkurat grå nok til at det går greit. Lakken dekker godt med to lag, og var grei å legge trass i at han var litt rennande. Billig var han også, eg betalte vel litt i underkant av 2 € for han.

Eg har ikkje så mange Essence-lakkar, og dette er min einaste lakk med det nye designet. Flaskene er for såvidt fine, og eg liker veldig godt at korken har same farge som lakken. Men kosten er ENORMT svær, sikkert 6-7 millimeter brei og ganske tjukk. Ergo får ein veldig mykje lakk på kosten, som flyter utover negleband og alt blir berre grisete. Lillefingerneglane må eg lakke med kosten "feil" vei, elles er han altfor brei. Gah - dei er jo endå verre enn IsaDora-kostane! Kven i alle dager har funni på dette designet? Eg liker Essence-lakkane veldig godt, men kjem nok ikkje til å kjøpe nokre fleire før dei har endra kostane tilbake til den gamle, smalare typen.

Kva synast de om Chic Reloaded? Kan ein fin farge veie opp for ein fæl kost/ekkel påføring/dårleg lukt etc.?


Essence Chic Reloaded, a charcoal black shimmer varnish with green and purple duocrome effect. It looks like oil spilled on water! The colour is awesome, but I hate the new wide brush and will probably not by any new Essence-varnishes until they change it back.

Den grusomt store kosten

Essence Chic Reloaded

torsdag 29. november 2012

OPI - Tomorrow never dies

 OPI Tomorrow never dies, utan blitz (jada, eg veit at det er ekstremt redigert, men fargen er 100% rett gjengitt)

OPI Tomorrow never dies er den andre (og siste) lakken eg kjøpte frå Skyfall/James Bond-kolleksjonen, Skyfall var den første eg viste fram. Tomorrow never dies er ein blålilla skimmerlakk med nestan metallisk effekt. Fargen varierar i kva lys du ser han i. I dagslys ser han skikkeleg knallblå ut, men innandørs kjem dei djupe lillatonane klart fram. Dette er ein må-stirre-på-neglane-heile-dagen-fordi-dei-er-så-vakre-lakk. Korkje blå eller kalde lillatonar er farger eg vanlegvis brukar, men denne kjem til å bli ein slager i haust. Kanskje han blir årets julebordlakk?

Tomorrow never dies er som sagt metallisk eller frost-aktig, men heilt utan dei sedvanlege stripene. Yta blir heilt strøken, nett som emalje (sjå bilete utan blitz). Han er litt tyntflytande, så ein må fikse neglebanda etter lakkering, men han legg seg heilt jamnt og dekker med to strøk. Perfeksjon!

(For litt betre bilete enn mine, anbefalar eg til dømes Lucy's stash eller Susy in Color). Denne lakken fortener supre bilete!)

OPI Tomorrow never dies, med blitz

OPI Tomorrow never dies from the James Bond-collection is an awesome blue-toned purple (purple-toned blue) with enamal-like finish. LOVE!

søndag 18. november 2012

Layla Coffee Love vs. Layla Misty Blush

 Ovanfrå: Layla Coffee Love, Misty Blush, bilete tatt i sola 
Coffee Love og Misty Blush er ikkje særleg like, Coffee Love er tydeleg lysebrun, medan Misty Blush er brunlilla (tenk holoversjonen av Chanel Paradoxal). Men eg tenkte likevel å samanlikne dei, og greip sjansen ein gong det var sol i Bergen (jepp, det var lenge sia.). Om det er andre lakkar de ønsker å sjå samalikna, berre legg att ein kommentar, så skal eg sjå kva eg får til.

Comparison of Layla Coffee Love and Misty Blush.

Ovanfrå: Coffee Love, Misty Blush, bilete tatt i sola

Layla - Misty blush


Layla Misty Blush

Det er ein stund sia sist eg har hatt tid til å blogge, men eg har jobba 60-timersveker i det siste og vært på jobbreiser, så det har blitt litt hektisk. No kjem eg forhåpentleg sterkare tilbake i tida framover. Eg har fått mange nye lakkar i posten, og gler meg til å vise dei fram. Dette er dog ein lakk eg har hatt ein stund.

Layla Misty Blush er ein brunlilla, lineær holografisk lakk. Han er veldig holografisk, kanskje endå meir enn Layla Coffee Love, og etter mi meining er fargen også endå finare. Burgunder og brunlilla er mine yndlingsfargar, og eg elskar holografiske lakkar, så Misty Blush kjem høgt opp på favorittlista mi. Han er lett å legge, eg brukte to lag over MUS AquaFix, og fekk ingen "bald spots" eller flekker på neglane, slik ein ofte får med kraftig holografiske lakkar. Fargen er nydeleg, skikkeleg haustaktig, men det er ikkje så veldig legg å sjå fargen ordentleg, for han er så holografisk.

Beklager rotete bilete, men eg tok dei då eg var på reise.


Layla Misty blush, a brownish purple holographic varnish. It's easy to apply, and looks magic on the   nails. I love it! 

Legg til bildetekst

 


onsdag 10. oktober 2012

OPI - Every month is Octoberfest

 OPI Every month is Octoberfest, utan blitz. Sjå det flotte oransje skimmeret!


Eg har allerede vist fram den eine lakken min frå OPIs Tysklandskolleksjon, German-icure by OPI, og her kjem den andre, Every month is Octoberfest. Eg har samanlikna dei her, om nokon er interesserte.

OPI Every month is Octoberfest er ein djup raudlilla skimmerlakk. Lakken har ein indigofarga base (der German-icure var brun), men med same(?), raude skimmer. Også her skin skimmeret i fleire fargar, men det gulloransje skjæret ser ein best i lampelys. I dagslys ser han mørkelilla ut, i sola ser ein tydeleg at det er skilnad på basefarge og skimmer. Det blir nestan som om lakken gløder i midten, for så å mørkne mot indigå ut mot sidene. Det er så vakkert at ein blir heilt ør. Every month is Octoberfest er nok den vakraste lakken eg eig, forutan nokre av hololakkane mine. Eg har allerede kjøpt to til å ha i bakhand, for denne blir garantert brukt opp. 

På bileta har eg brukt to lag Every month is Octoberfest, med eitt lag Seche Vite overlakk. Lakken er ein draum å legge, og om ein brukar tjukkare lag enn eg gjer, kjem ein sikkert unna med eit lag. 
 OPI Every month is Octoberfest, utan blitz (beklagar at bilete blei litt uklart)

OPI Every month is Octoberfest, med blitz
OPI Every month is Octoberfest, med blitz

lørdag 6. oktober 2012

German-icure by OPI vs. Every month is Octoberfest


Å, eg elskar både German-icure by OPI og Every month is Octoberfest, og det er ikkje lett å bestemme seg for kven av dei eg liker best. Dei ser veldig like ut i flaska, og då eg fekk dei i posten trudde eg at eg hadde fått to like lakkar, sjølv om dei hadde ulike namn. For dei som ikkje veit det, så har det vært mykje surr med namna på desse to etter at eindel svenske bloggarar fekk tilsendt kolleksjonen kor desse to var feilmerka. Eg ville ha begge to, så for meg var det ikkje eit problem, men for dei som hadde bestilt ein av dei etter bloggaranes bilete av dei, var det jo veldig keisamt.

Så for å oppklare ein gong for alle:
Every month is Octoberfest ser mørkelilla ut, og har mørk indigofarga base med raudt skimmer.
German-icure by OPI ser djupraud ut, og har ein mørk brunraud base med raudt skimmer



Eg har tatt bilete av lakkpinnane mine ved siden av kvarandre, så de ser skilnaden på dei to ganske godt. Om de ser nøye etter nederst på lakken, ser de at basen i EMIO er indigo, medan GbO har brun base. På neglane har eg for øvrig German-icure by OPI. Kven av dei to synast de er finast? Eller kanskje de også treng begge?

PS: Eg har prøvd Every month is Octoberfest også, men bileta blei så dårlege at eg må gjera det om att. Eg hadde tenkt til å vente til det blei sol, men slik som vêret i Bergen er no om dagen, må eg nok vente til våren. Eg forsøker likevel igjen til veka.