Viser innlegg med etiketten Negledekor. Vis alle innlegg
Viser innlegg med etiketten Negledekor. Vis alle innlegg

mandag 24. juni 2013

Misa - Heaven White og Maybelline - Chalk dust

Her kjem nok ein svart/kvitt-manikyr - denne er eg (også) veldig nøgd med. Eg har openbert ikkje så høge krav, men det viktigaste er jo at ein er nøgd sjølv, ikkje at neglebanda er perfekte.


Misa Heaven White og Maybelline Chalk dust

På neglane har eg Misa Heaven White, med den nye Maybelline Chalk dust innst ved neglerota, og eit lag SV over. Misa Heaven White er ein kvit kremlakk som eg har fått anbefalt av fleire, men eg er ikkje spesielt begeistra. Han striper seg, så ein treng i alle fall to lag for at det skal sjå greit ut. I tillegg er han tjukk og vanskeleg å legge, pluss at kosten er grusomt bustete. Heaven White er altså ikkje ein favoritt her i garden, og eg held fram jakta på den perfekte kvite kremlakken. Om du har tips, tar eg imot med glede.

Sjå det fine glitteret!

Maybelline Chalk dust er ein glitterlakk frå Maybellines Polka Dots-kolleksjon. Lakken består av svarte og kvite glitterpartiklar i ein blank base. Glitteret er ganske smått, ca. 0,5mm - 3 mm, og stort sett heksagonalt, så han er veldig lett å legge. Kven skulle trudd at Maybelline kom med noko så bra? Chalk dust kjem til å bli mykje brukt framover, det er eg sikker på. Dessutan kostar han berre 50 kr for 9 ml, det er ganske bra med tanke på dei vanlege neglelakkprisane i norske butikkar. 

More black&white manicures for you:
Here I have two coats of the not-so-awesome-but-sure-streaky Misa Heaven White, with Maybelline Chalk dust dabbed on top. Super easy manicure, and the Maybelline varnish surely is a treasure. That one will be used a lot this summer. 

søndag 28. april 2013

Superenkelt teip-design

Tippane på China Glaze Gussied up green blei ganske stygge alt etter ein dag, så eg tenkte å pynte litt på dei slik at eg kunne bruke lakken nokre fleire dagar. Det eg gjorde var å ta ein tynn teipbit frå ein manikyrteip-rull (slik som dette) og la over negletippane i kryss. Deretter la eg eit lag Color Club Worth the risque på tippane (eg eig dessverre den lite holografiske versjonen), og så fjerna eg teipen. Superenkelt, og eit lekkert alternativ til vanleg fransk manikyr.

Kva synast de? Blei det stilig, eller berre rart?


I made a super easy tape manicure, using China Glaze Gussied up green, Color Club Worth the risque and striping tape. A funky take on the regular French manicure.

onsdag 20. mars 2013

Festneglar: A England - Camelot og H&M - Confetti kisses


A England Camelot og H&M Confetti kisses

Her om dagen var eg på ein strålande fest, og følgeleg var eg nødd til å ta strålande festneglar. Eg var inspirert av Helene på Heidi Øksendals sminkeforum (i tråden Dagens negler, for de som er der), og endte opp med ein svart og sølv-farga glitterkombinasjon.

Eg har brukt eitt lag av den svarte favoritten min, A England Camelot, og eit ganske tjukt lag med H&M sin Confetti kisses inst ved neglerota. Dessverre var glitterlakken ganske tjukk, så lakken blei litt ujamn på neglen, men det var det heldigvis ingen som så på dansegolvet. Bileta er tatt på sundagen, så neglene er ikkje akkurat i tipp topp stand, men de skjønner teikninga.

Heile "manikyren" tok meg kanskje 10 minutt, og eg blei veldig nøgd - dette skal eg gjera igjen. Kva synast de, er dette noko de kunne gått med?

Saturday night party manicure, using one coat of my all time favorite creme varnish A England Camelot, and some of H&M Confetti kisses dabbed on at the lower half. The whole manicure took me 10 minutes, and I have to say that I think it looks great.

tirsdag 19. februar 2013

H&M - Fabulous nails, honey



H&M Fabulous nails, honey og H&M Wawawoom

H&M Fabulous nails, honey er ein varm, vinraud skimmerlakk med gulltonar. Han har ikkje veldig tydeleg gullskimmer på neglen (slik som i flaska), men det er klart at fargen blir varmare og djupare av skimmeret. I lampelys og i sola ser han ut som dei to øvste bileta, medan blitzbilete nederst viser han slik han ser ut i kaldt dagslys.

Eg prøver ut nye overlakkar om dagen, og fekk derfor(?) dessverre neglelakk som ganske raskt flassa av på tuppane. Eg likte Fabulous nails, honey så godt at eg ville behalde han ein dag eller to til, så eg dyppa tuppane i gull (les: H&M Wawawoom), og resultatet blei eigentleg ganske bra, synast eg.

Han er lett å legge, og dekker på eitt lag, om eg ikkje hugser feil. Det er ei lita stund sia eg kjøpte Fabulous nails, honey på H&M, men eg såg han i butikken her om dagen, så eg antar at dei framleis har han inne, før vårlakkane kjem for fullt. Til berre 39 kr er han etter mi meining eit kupp.

H&M Fabulous nails, honey with golden tips using H&M Wawawoom. I really enjoyed this manicure, and wore it for days.

fredag 18. januar 2013

Holofredag, eller gå-med-festnegler-på-jobb-fredag

OPI Ink, H&M Jo is in the house, INM Northern Lights Hologram Silver
OPI Ink var begynt å bli slitt på tuppane, så eg tenkte å forsøke meg med glitter på tuppane for å skjule det litt, og i same omgang delta på holofredag (kor diverse bloggarar bruker/poster bilete av holografiske lakkar på ein fredag). Så eg satte i gong med glitter og stas, før eg plutseleg fann ut at dette ikkje akkurat var veldig jobbvennleg. Heldigvis er ikkje jobben min spesielt nøye på kleskode, eg skulle ikkje på nokre viktige møte, og det er jo casual friday, som eg i anledninga døypte om til gå-med-festnegler-på-jobb-fredag.

Eg har brukt OPI Ink med H&M Jo is in the house (holografisk glitter) svampa på tuppane, og INM Northern Lights Hologram Silver Top Coat (overlakk med holografisk skimmer) over heile til slutt. Faktisk blei eg veldig nøgd med resultatet, og eg har sitti og sett på dei glitrande og glimrande neglane mine i heile dag. Her er nokre bilete, men ingen klarte å fange hologlittergalskapen eg hadde på neglane.

 An, in my humble opinion, awesome, but not at all work-appropriate manicure that I wore on this Friday. I sponged H&M Jo is in the house over OPI Ink and used INM Northern Lights Hologram Silver Top Coat as a top coat.

Med blitz

Med blitz

søndag 23. desember 2012

Julenegler

Julenegler på venstre hand, med blitz

Julenegler på høgre hand (iiik!), med blitz

Jada, jada, eg veit at circa halve bloggosfæren har lagd juletrenegler i år, men sia det
a) så overkommeleg ut for mitt negledesign-nivå (=veldig nybyrjar),
b) var enkelt og "nøytralt", og
c) kunne varierast med kva farger ein ville,
tenkte eg at dette var noko for meg. Og når sant skal seiast, blei eg ganske så nøgd. Det såg lekkert ut, og eg har fått masse komplimenter frå folk som ikkje les alle neglebloggane og har sett 1000 finare versjonar.

Eg er jo, som de veit, ganske traust av meg, så eg endte opp med gullnegler, ein aksentnegl med juletre (og stjerne!) på venstrehanda og ein med striper på høgrehanda. Eg brukte to lag H&M Wawawoom og China Glaze Glittering Garland på treet. Stjerna var ein del av rhinestone-settet frå Bornprettystore, ho blei grøn fordi eg ikkje hadde nokre gullfarga, og det ville ikkje passe med sølv. Kva synast de, blei det fint (sett bort frå at eg ikkje har fiksa opp rundt neglebanda og at bileta er uklare)?

I, too, tried to make Christmas tree nail art, and I was quite satisfied with the result, bearing in mind that I am not exactly an nail art expert. I love the cold-toned golden Wawawoom from H&M, and China Glaze Glittering Garland is pretty as always.

tirsdag 4. desember 2012

Handletur i Praha

Eg har nett kommi heim att frå Praha, og sjølvsagt blei det litt neglelakk og tilbehør på meg. Eg er spesielt spent på den sjølvlysande overlakken frå Essence, samt Essence Peel off base coat. Eg har forsøkt med skulelim, men det fungerte ikkje særleg bra, så eg skal få lagt ut eit innlegg med Peel off under glitterlakk etter kvart.   

F.v.  Essence Chic Reloaded, Catrice Steel my heart, H&M Fabulous nails honey, Chanel Malice, Essence nail stickers

F.v. Micro Cell 2000 Nail vital, Essence Quick dry topcoat, Essence Glow in the dark, Essence Peel off Base coat, Essence buffer. 

søndag 2. desember 2012

Bornprettystore - Rhinestone-sett

Rhinestone-sett frå Bornprettystore
For ei tid sida dumpa ei pakke ned i posten frå Bornprettystore, med tre pakker rhinestones, samt pinsett og glitterlim. Eg er ikkje så veldig god på negledekor, men eg tenkte det var gøy å prøve litt forskjellig. No har eg forsøkt nokre av dei ulike dekorsteinane, og har litt blanda kjensler.

Settet eg har er det som heiter 3 Star/Round/Heart Rhinestones Acrylic UV Nail Glue Clamp Kit, som består av runde, stjerneforma og hjarteforma dekorsteinar i tolv ulike farger. I tillegg følger det med ein pinsett til påføring av steinane, samt lim for å feste dei. Eg eig inga UV-lampe, så eg har ikkje prøvd limet, men har limt steinane på plass ved hjelp av vanleg neglelim. Dei satt godt på neglen, også når eg berre trykte dei rett ned i våt neglelakk.

Dei runde steinane var veldig fine, hjartene var også gode å bruke, men stjernene var vanskelege å få til å sitte på neglen. Piggane på stjernene stakk litt ut, både når eg brukte lim eller festa dei rett i neglelakken. Dei hang seg opp i alt mogleg, og eg måtte bruke heftige mengder overlakk for at eg skulle kunne gå med dei. Dessutan var dei litt høge, ca. 3 mm. Eg er 67% nøgd, med andre ord. Pinsetten var dog heilt fantastisk!


Eg er ganske kjedeleg når det gjeld negledesign, men synast det er lekkert med nokre pyntesteinar på ringfingeren. Det har eg mellom anna vist her.

Dersom du er interessert i dette settet, eller anna negledekor (eg har mellom anna veldig lyst på caviar nails-settet), kan du bestille på Bornprettystore.com. Dei har gratis frakt, og om du bruker rabattkoden AO5X61, så trekk dei frå 5% på bestillinga.

I recieved a rhinestone nail art set from Bornprettystore.com some time ago. I am not the creative type, but I do like an accent nail. My favorites were the round (octagonal) rhinestones, and I loved the tweezer, which was excellent. The rhinestone set may be bought here , and you may use the coupon code  AO5X61 for a 5% discount.

torsdag 22. november 2012

OPI - Skyfall

OPI Skyfall

Den første lakken eg prøvde av dei nye egg fekk i posten på måndag, var OPI Skyfall. Skyfall er ein del av OPIs haustkolleksjon med James Bond-tema, og denne lakken er altså lakken som gjev namn til kolleksjonen. Sånn sett hadde eg forventa ein like meir sprakande eller glitrande lakk, men den gong ei. Dessutan var eg litt skeptisk til påføringa etter å ha lest sprikande vurderingar m.a. hos Sminkan, men lakken fungerte heldigvis mykje betre på meg enn på ho.


OPI Skyfall er ein djup, brunraud kremlakk, skikkeleg burgunderfarga med meir brune enn lilla undertoner, nesten som koagulert blod. Mange synast raudt og burgunder er keisamt, men ikkje eg - eg elskar fargen! Dessverre er han litt vanskeleg å få pen, for sjølv om han flyt godt på neglen, bruker han ei æve på å tørke. Men med mykje tolmod og god hjelp av Seche Vite hutrigtørkande overlakk, gjekk det bra til slutt. Eg brukte to tynne lag, og det dekka heilt flott. Han ville sikkert dekka med berre eitt litt tjukkare lag også, men då ville det nok vært umogleg å få han til å herde.

Sjølv om lakken var litt vrien, er dette definitivt ein lakk eg kjem til å bruke meir i tida framover - for fargen er nydeleg. Og om ein synast han er litt traust, kan ein jo pynte litt med dekorsteinar, stempling eller eit anna mønster? Eg er veldig lite eksperimenterande på negledekorfronten, så eg nøgde meg med ein liten diagonal med svarte steiner på ringfingeren.



OPI Skyfall, a burgundy creme with a brown tint - I love the colour! The formula was great, but it took forever for it to dry. Two thin coats were necessary for it to cover properly.




tirsdag 30. oktober 2012

Svart, kvit og grå marmorering

Eg synast det blei litt rart med den kvite aksentneglen i marmoreringa eg viste fram i dette innlegget, så eg bestemte meg for å ta eit par neglar til. Dessverre var ikkje Misa-lakken heilt opak, så på grunn av dei svarte neglane mine blei marmoreringa grå/svart i staden for kvit/svart. Men det vart fint det også. Eg har fått så utruleg mange komplimenter og kommentarar på manikyren, så det er tydlegvis ikkje berre eg som synast det er fint. Eg kan rett og slett ikkje skjønne kvifor eg ikkje har forsøkt meg på dette før, det er jo både gøy og lekkert. No har eg hatt denne manikyren i to dager, så lakken er litt slitt på negletippen - de er herved advart!

My second watermarble manicure: I used the same varnishes as last time: black and white, but due to the lack of opaqueness of the white one, the mani turned gray and black instead. I love it anyway.

Svart/kvit/grå marmorering v.2.0, med blitz

søndag 28. oktober 2012

Marmorering (watermarbling)

Marmorerte neglar, med a-england Camelot og Misa Heaven White

I forgårs prøvde eg for første gong å marmorere neglane mine, og ærleg talt synast eg det blei ganske så vellukka. Kva synast de? Eg er jo ganske streit av meg, så det blei kun svarte neglar, med nokre kvite og svarte marmoreringar, og det blei herleg 60-tals mod-aktig.

Fv. Paris Memories Black, e.l.f. White, A England Camelot og Misa Heaven White.
Eg har høyrt mykje om kor vanskeleg det er, så eg bestemte meg får å bruke nokre dårlege lakkar. Det var ikkje så lurt. Eg forsøkte med ein svart Paris Memories-lakk, og e.l.f. White, men dei spredte seg ikkje i vatn-yta, så det heile såg rett og slett ikkje fint ut. Og lakkane stivna så raskt at eg ikkje fekk laga mønster med nåla i det heile - så det var berre å helle heile greia i do og byrje på nytt. Slik gjekk eg fram:

Først fylte eg eit lite glass med lunka vatn rett frå springen. Så teipa eg rundt neglen eg skulle marmorere, slik at eg ikkje skulle få så mykje neglelakk på huda. Neglen var allerede lakka med svart lakk, som hadde tørka ordentleg. Ingen overlakk. Så drypa eg ein og ein dråpe med annankvar svart og kvit lakk. Eg brukte Misa Heaven White og A England Camelot. Deretter brukte eg ei nål til å lage litt mønster i sirklane, og så dyppa eg fingeren heilt nedi vatnet. Eg lot han vera i vatnet til eg haddefjerna all overflødig lakk i vatnet, slik at det ikkje skulle klebe seg lakkrestar på den marmorerte neglen. Til sist tok eg av teipen, rydda opp på neglebanda (vel...), og la eit lag SV på toppen. Vips, ein vannmarmorert negl!

Første forsøk på marmorering
Sjølv om eg synast marmoreringa blei fin, var eg ikkje veldig nøgd med resultatet, og det på grunn av Misa-lakken.Han tørka aldri, og marmoreringa stripa seg når eg la SV over, sjølv om eg venta i alle fall ti minutt før eg lakka. Derfor fjerna eg alt saman, og prøvde på nytt. Denne gongen blei marmoreringa dessverre litt for kvit samanlikna med dei svarte neglane mine, men då gadd eg ikkje gjera alt om att. Derfor: Svarte neglar med kvit aksentdekor på ringfingrane. Eg har til og med lagt ved eit bilete av høgrehanda (iiiik!), for der blei marmoreringa litt finare pga. det svarte, synast eg.


Endeleg resultat; min aller første marmorerte negl.
Høgrehanda, tydlegvis utan å ha rydda opp ordentleg. Beklager.

Denne framstillinga var ikkje veldig god, eg anbefaler alle som vil marmorere å sjå youtube-videoar, t.d. denne frå ILoveMyLongNails, og lese Nail Art 101 sitt blogginnlegg om marmorering. Og hugs, når til og med eg kan klare det, kan du også!

lørdag 27. oktober 2012

H&M - Blue my mind



 H&M Blue my mind, med blitz (litt for lyst)

H&M Blue my mind (Haha, nice pun) er ein herleg, knallblå kremlakk. Blåfargen vil eg kalle ein rein, lys blå (Brandeis blue på html-språket), og er ein slags lysna koboltblå med litt meir gult i. Fargen er i alle fall fantastisk flott, og eg blir glad når eg ser på neglane mine. Blåfargen er så sterk at han nesten går mot neon, men han er ikkje ein neonlakk, altså. Kameraet mitt ville absolutt ikkje gjengje fargen ordentleg. Dei to øvste bileta er nok litt for lyse, medan det nederste, litt uklare bilete, tatt utan blitz, viser rett farge.

Blue my mind dekker på to lag, eitt lag om du er veldig generøs med laga. Eg brukte Seche Vite over, sjølv om lakken eigentleg var blank nok i seg sjølv. Han var lett å fjerne, men det satte seg litt blåfarge att på neglen, dessverre. Lakken kostar 39 kr på H&M, og dei har han inne no. Eg trur han er i det permanente sorimentet deira.

 H&M Blue my mind, med dus blitz

 H&M Blue my mind, i lampelys (korrekt fargegjengjeving) 

I tillegg til Blue my mind, forsøkte eg meg med nokre små sølvstjerner som dekor. Det blei ikkje veldig vellykka, for stjernene var litt høge, så eg måtte lakke over dei med SV for at dei ikkje skulle henge seg opp i alt mogleg, og då såg det litt kladdete ut. Eg skal prøve igjen seinare, kanskje med eit litt anna design. Dekorsteinane har eg fått tak i hos Bornprettystore, og eg skal vise fram heile settet når eg har fått øvd meg litt.